Verkefni

Fangelsið Hólmsheiði

Nýja fangelsið er með 56 fangarými og á að leysa af hólmi Hegningarhúsið við Skólavörðustíg og fangelsi í Kópavogi.

Þá var gæsluvarðhaldsdeild á Litla-Hrauni lögð niður og aðstaða hennar tekin fyrir afplánun.

Nánar um verkefnið

Arkís arkitektar ehf. hlutu fyrstu verðlaun í hönnunarsamkeppni um byggingu nýs fangelsis á Hólmsheiði. Í niðurstöðu dómnefndar um verðlaunatillöguna segir að tillagan sé mjög góð og svari einstaklega vel áherslum dómnefndar í samkeppnislýsingu. Einkum sé gæsluvarðhaldsþættinum gerð frábær skil, sem og aðal-varðstofu og miðlægum rýmum.

Verkís sá um kostnaðaráætlanir allra rafkerfa ásamt hönnun á raforkukerfi, hönnun brunaviðvörunar- og samskiptakerfis. Verkís sér einnig um hönnun lýsingar, innan og utanhúss, hönnun neyðarlýsingar og mat á öryggiskerfi.

Fangelsið á Hólmsheiði var tilnefnt til Mies van der Rohe verðlaunanna í byggingarlist árið 2016.

Verkefnið í hnotskurn

Staðsetning:

Nesjavallaleið 9, Reykjavík

Stærð:

Byggingar: 3.700 fermetrar
Svæði: 37.410 fermetrar

Verktími:

2012-2015

 

Heimsmarkmið