Gæðastjórnun og úttektir

Verkís aðstoðar fyrirtæki sem vilja nýta aðferðafræði gæðastjórnunar við að aga vinnubrögð, bæta samkeppnishæfni og ná betri árangri í rekstri.  

Með kerfisbundinni nálgun eru skilgreindir og skrifaðir fastmótaðir vinnuferlar með það að markmiði að mæta skilgreindum kröfum og væntingum viðskiptavina á sem hagkvæmastan hátt. Alþjóðlegir staðlar um stjórnunarkerfi setja fram kröfur þeirra, þar á meðal eru ISO 9001 um gæðastjórnun, ISO 14001 um umhverfisstjórnun og OHSAS 18001 um öryggisstjórnun.

Verkís tekur líka að sér gæðastjórnun og gæðaeftirlit í verklegum framkvæmdum þar sem unnin er gæðahandbók / gæðaviðmið verkefnisins, vinnuferlar og kröfur til birgja eru skilgreind og eftirlit er haft með að afhending efnis og búnaðar sé í samræmi við skilgreindar kröfur.

Þjónusta

  • Rýni á ferlum, stöðumat og gæðahandbækur
  • Mótun stjórnkerfis og samþætting kerfa
  • Úttekt með hlýtingu og innri úttektir
  • Uppbygging ferla sem uppfylla staðla
  • Umbætur, framþróun og ferilstjórnun