Neyðar- og áfallastjórnun

Lágmörkum áhrif áfalla

Forvarnir, skjót og markviss viðbrögð eru grundvallaratriði í að tryggja sem best áfallaþol starfseminnar, árangursríka endurreisn og samfelldan rekstur.

Til að lágmarka áhrif óvæntra áfalla á starfsemina í síbreytilegu umhverfi er nauðsynlegt að eiga skilgreint ferli til undirbúnings og viðbragða í vá. Í því felst meðal annars að greina þá vá sem ógnar starfseminni, meta áhættuna, grípa til forvarna, gera viðbragðsáætlanir og þjálfa viðbrögð.

Sérfræðingar Verkís veita víðtæka ráðgjöf á neyðar- og áfallastjórnun auk þjálfunar í viðbrögðum við vá.

Einnig veitir Verkís ráðgjöf við uppbyggingu samfellustjórnunar, áhættu­stjórnunar og áfallaþols með hliðsjón af ISO 22301 Business Continuity Management, ISO 31000 Risk management og BS65000 Guidance on organizational resilience.