01/12/2022
Nemendur í tækniteiknun heimsóttu Verkís
![Nemendur í tækniteiknun heimsóttu Verkís](https://www.verkis.is/wp-content/uploads/2022/11/IMG_2934.jpg)
Nemendur í tækniteiknun heimsóttu Verkís. Í október fengum við heimsókn frá nemendum Tækniskólans sem leggja stund á tækniteiknun. Hópurinn fékk kynningu á starfsemi Verkís og síðan sögðu þær Stefanía Marta Jónasdóttir og Edda Svavarsdóttir, tækniteiknarar á Orku- og iðnaðarsviði, þeim frá starfi sínu.
Rut Bjarnadóttir, orkuverkfræðingur, sagði hópnum frá hönnun og stækkun jarðvarmavirkjunarinnar í Svartsengi og gátu þau síðan skoðað hönnunina í þrívídd með sýndarveruleikagleraugum. Að lokum skoðuðu þau vinnuaðstöðuna í Ofanleiti. Við þökkum þessum flotta hópi kærlega fyrir komuna.
![Nemendur í tækniteiknun heimsóttu Verkís](https://www.verkis.is/wp-content/uploads/2022/12/IMG_2930-1024x768.jpg)