28/04/2022

Verkís með tvö erindi á vorfundi SATS í Vestmannaeyjum

Vestmannaeyjar
Vestmannaeyjar

Í dag og á morgun fer fram árlegur vorfundur SATS, eða Samtaka tæknimanna sveitarfélaga. Verkís verður með tvö erindi á fundinum.

Áskoranir við skipulagsgerð á lágsvæðum

Í skipulagi ber, samkvæmt skipulagslöggjöf, að gera grein fyrir svæðum þar sem hætta er talin á náttúruvá og setja skilmála um þau. Jafnframt er óheimilt að byggja á þekktum flóðasvæðum, m.a. við sjó. Hættusvæðin hafa hins vegar ekki verið skilgreind og ekki hefur verið tekin opinber ákvörðun um hvers konar nýting er ásættanleg á þessum svæðum.

Forsendur fyrir skipulagsgerð á lágsvæðum eru því veikar. Víða er byggð á lágsvæðum sem er berskjölduð fyrir sjávarflóðum og ásókn er í lóðir nærri sjó. Brýnt er að gert verði hættumat á þessum svæðum og skýr viðmið sett um hvað má og hvað ekki.

Erla Bryndís
Erla Bryndís Kristjánsdóttir, landslagsarkitekt
Gunnar Páll
Gunnar Páll Eydal, umhverfis- og auðlindafræðingur

Með sjálfbærni að leiðarljósi við hreinsunaraðgerðir á menguðum jarðvegi

Umfangsmiklar aðgerðir hafa staðið yfir á Hofsósi að undanförnu í þeim tilgangi að hreinsa mengun vegna olíuleika sem varð þar fyrir rúmum tveimur árum. Í úrbótaáætlun sem Verkís vann fyrir N1 og var samþykkt af Umhverfisstofnun, var meðal annars lögð til aðgerð sem hefur ekki verið notuð hér á landi til hreinsa mengun úr jarðvegi áður. Aðferðin hefur gefið góða raun erlendis.

Erla Guðrún Hafsteinsdóttir
Erla Guðrún Hafsteinsdóttir, umhverfis- og jarðefnafræðingur Ph.D

Heimsmarkmið

Vestmannaeyjar
Vestmannaeyjar