Þrívíddarskönnun
  • Þrívíddarskönnun

Þrívíddarskönnun

Verkís býður upp á þrívíða laserskönnun með aðstoð laser skanna. Með þessari nýju tækni verður uppmæling mannvirkja og/eða umhverfis mun fljótlegri og nákvæmari. Notkun laserskanna hefur aukist mikið í nágrannalöndunum samhliða notkun líkana og BIM (e: Building Information Modeling) við hönnun og framkvæmd.

Laser skanni getur myndað þá fleti sem að honum snúa. Umhverfi er skannað frá mismunandi sjónarhornum til að fá heildaryfirsýn. Hægt er að skanna mannvirki bæði að utan og innan og setja saman í eina heild. Afurðin er punktský (e: point cloud). Punktskýið myndar þrívítt líkan af mannvirkinu. Í mörgum tilfellum dugar punktskýið til viðmiðunar en í sumum tilfellum þarf að teikna upp líkan af punktskýinu. 

Skönnuð mynd af mannvirki nýtist sem undirlag við hönnun og greiningu af ýmsu tagi. Skönnun minnkar áhættu og hugsanlegt ósamræmi í viðhaldi, endurbótum og viðbyggingum. Á framkvæmdatíma er hægt að beita skönnun í eftirliti, t.d. til að beta hönnunarlíkön í eiginlega framkvæmd. 

Verkís notar Focusˢ  150 Laserskanna ásamt hugbúnaði frá Faro. Þetta er tæki sem getur skannað umhverfi sitt með mikilli nákvæmni á skömmum tíma. 

Faro Focusˢ 150, eiginleikar:
- Mælir eina milljón punkta á sekúndu
- Dregur 150 metra
- Skekkjumörk ±1mm

Með laserskönnun verður uppmæling fljótlegri, nákvæmari og gagnlegri fyrir þau sem þurfa að nota hana. Þar sem fyrir eru hættulegar aðstæður eykur hún öryggi mælingarmannsins. 

https://youtu.be/1SA-sPKJxN4

David-fridgeirsson-h3

 

Tengiliður:
Davíð Friðgeirsson
BIM ráðgjafi / Byggingafræðingur
df@verkis.is

Þjónusta

  • Líkan af fyrirliggjandi aðstæðum vegna breytinga og endurbóta
  • Greining staðhátta vegna nýbygginga
  • Samanburður framkvæmdahátta við BIM líkön
  • Uppmæling á núverandi aðstæðum fyrir forsmíðaðar byggingaeiningar
  • Reglulega magntaka við jarðvinnu
  • Eftirlit vegna krafna um nákvæmni
  • Skipaiðnaður 
  • Skrásetning fornminja
  • Gæðaeftirlit í framleiðslu
  • Vettvangsrannsóknir

Verkefni

  • Brimvarnargarður, Húsavík
  • Hótel Saga
  • Skólabrú 2, Reykjavík
  • Lindargata 10, Reykjavík
  • Laugarskarð, Hveragerði
  • Sundhöll Selfoss
  • Íþróttamiðstöð Hellu