BIM
Verkís hefur sett sér markmið um að vera leiðandi ráðgjafarfyrirtæki í BIM á Íslandi sem getur veitt vandaða og faglega BIM ráðgjöf á alþjóðlegum mælikvarða ásamt því að vera virkur þátttakandi í faglegu starfi á sviði BIM aðferðafræðinnar og BIM innleiðingarinnar á Íslandi. Verkís hefur komið að mörgum BIM verkefnum á Íslandi og í Noregi.
BIM (e: Building Information Modeling) er aðferðafræði sem nýtist á líftíma mannvirkis, allt frá hönnun til verklegra framkvæmda, reksturs og viðhalds. BIM líkan er byggt upp af þrívíðum byggingarhlutum ásamt upplýsingum um þá.
Með BIM gefst tækifæri til að:
- auka gæði hönnunar
- minnka kostnað við framkvæmd
- lágmarka áhættu
- byggja umhverfisvænni mannvirki
- hagræða á rekstrartíma mannvirkis
Framsækin hönnun
Verkís leggur áherslu á að tileinka sér nútímalegar lausnir við úrlausn verkefna. Með notkun BIM líkana í fyrstu fösum hönnunar gefst tækifæri til að framkvæma verkfræðilegar greiningar og taka upplýstari ákvarðanir fyrr í hönnunarferlinu, ákvarðanir sem hafa mikil áhrif á gæði og rekstur mannvirkis og er oft of seint að taka á síðari stigum.
Samræming líkana
Verkís hefur náð góðum árangri í samræmingu og árekstragreiningu BIM líkana með því að nýta nýjustu tækni í skýjaþjónustu og opnu aðgengi allra að upplýsingum um árekstragreiningu á hverjum tíma.
Hönnun burðarvirkja, tæknikerfa og arkitekta er árekstragreind sjálftvirkt sem auðveldar úrvinnslu hönnuða. Niðurstaðan er betri hönnun sem skilar sér í færri fyrirspurnum og minni kostnaði á framkvæmdatíma.
BIM aðgerðaáætlun
Ekkert verkefni er eins og þess vegna nálgumst við hjá Verkís hvert BIM verkefni út frá þörfum viðkomandi verkefnis og verkkaupa.
Svona er ferlið:
1. Greina BIM aðgerðir út frá markmiðum verkefnis
2. Þróa BIM ferla fyrir verkefnið
3. Skilgreina innihald líkana
4. Velja innviði sem styðja við valdar BIM aðgerðir og ferla
- Davíð Friðgeirsson
- BIM ráðgjafi / Byggingafræðingur
- Svið: Byggingar
- df@verkis.is
- Sigurður Jón Jónsson
- Rafmagnstæknifræðingur / MBA / Viðskiptastjóri
- Svið: Byggingar
- sjj@verkis.is
Þjónusta
|
Verkefni |
