Svanurinn

Aukin gæði

Áhersla er lögð á að draga úr umhverfisáhrifum, sporna við hnattrænni hlýnun og tryggja að að þær efna- og byggingavörur sem fara í mannvirkið séu ekki skaðlegar fyrir heilsuna. Vottunarkerfið setur strangar kröfur um ýmsa umhverfisþætti, svo sem notkun skaðlegra efna, lágmörkun úrgangs, orku- og vatnsnotkun, gæði og endingu.
Sérfræðingar Verkís hafa margra ára reynslu og þekkingu á vottunarkerfi Svansins. Verkís býður upp á ráðgjöf vegna Svansvottana, verkefnisstjórn og aðstoð við hönnun samkvæmt kröfum vottunarkerfisins. Hjá Verkís er lögð áhersla á skipulögð vinnubrögð og góða þekkingu á stöðlum Svansins. Verkís er skráður leyfishafi fyrir Svansvottanir og getur því borið ábyrgð á og haldið utan um Svansvottun.

Lykilþættirnir í Svansvottun eru:

• Gæði byggingarinnar eru aukin
• Dregið er úr neikvæðum umhverfisáhrifum
• Byggingin verður heilnæmari og öruggari
• Dregið er úr rekstrarkostnaði

EDP blöð

Verkís býður einnig upp á aðstoð og ráðgjöf við gerð umhverfisyfirlýsinga eða EPD blaða en algengt er að nauðsynlegt sé að sýna hver umhverfisáhrif vöru eru til þess að megi nýta hana í Svansvottaða byggingu. Lesa má nánar um EPD blöð hér.