Öryggi framkvæmda og reksturs

Mikilvægt er að tryggja sem best öryggi starfsmanna og almennings við hvers konar mannvirkjaframkvæmdir og rekstur mannvirkja. 

Það er m.a. gert með áhættumati hönnuða á undirbúnings­stigi framkvæmda, endurbótum á hönnun, framkvæmdaeftirliti auk reglulegs viðhalds öryggisþátta mannvirkis í rekstri, svo sem vinnuverndarstarfs. Öryggis og rekstrarhandbækur mannvirkja gefa góða yfirsýn yfir skipulag, rekstur og viðhald tækni- og öryggiskerfa auk viðbragðsáætlana.

Sérfræðingar Verkís gera áhættumat framkvæmda á undirbúningsstigi sem hluta af hönnun. Lögð er áhersla á að „hanna út hætturnar“, þ.e. beita aðferðum sem fela í sér minnkun á áhættu auk þess sem kröfur til ÖHU málefna eru gerðar í útboðsgögnum.

Verkís hefur á að skipa starfsmönnum með mikla reynslu í framkvæmdaeftirlit og eftirlit með öryggis, heilbrigðis- og umhverfismálum (ÖHU) á verkstað, samræmingu ÖHU mála og gerð ÖHU áætlana fyrir framkvæmdastaði, bæði við almennar byggingaframkvæmdir, veitu-, samgöngu- og stóriðju­framkvæmdir. Einnig getur fyrirtækið útvegað ÖHU fulltrúa til tímabundinna starfa í fyrirtæki þínu eða við framkvæmdir. Ásamt því að bjóða fjölbreytt námskeið um öryggi, heilbrigði og vinnuumhverfi á verkstað fyrir starfsmenn og verkstjórnendur.

Þjónusta Áhættumat verkefna á undirbúningsstigi ÖHU eftirlit á framkvæmdastað Námskeið og kynningar um öryggi, heilbrigði og vinnuvernd á verkstað ÖHU fulltrúi fyrirtækja Öryggis- og rekstrarhandbækur Viðbragðsáætlanir og neyðarviðbrögð

Verkefni ÖHU eftirlit við byggingastjórn Smáralindar ÖHU eftirlit framkvæmdar við tengivirki Landsnets Ísafirði Áhættumat á undirbúningsstigi vegna gufuaflsvirkjana Landsvirkjunar Þeistareykjum-Bjarnaflagi ÖHU áhættugreining fyrir Súrálsblöndunarkrana-RTA Straumsvík