Eftirlit með framkvæmdum

Við tökum stjórnina

Sé þess óskað af verkkaupa leggur fyrirtækið til byggingarstjóra og annast alla byggingastjórnun, samræmingu verktaka og verkefnisgát á verkstað. Framkvæmdaeftirliti er skipt í faglegt eftirlit, eftirlit með kostnaði og eftirlit með verkáætlun.

Meðal annarrar þjónustu sem fyrirtækið býður upp á á framkvæmdastað má líka nefna umsjón með öryggis-, heilbrigðis- og umhverfismálum, gæðastjórnun og gæðaeftirlit. Í öryggis-, heilbrigðis- og umhverfisþættinum er lögð áhersla á öryggi allra starfsmanna sem að verkinu koma, skráningar og skýrslugerð tengda öryggismálum auk þess að verkið hafi sem minnst varanleg umhverfisáhrif í för með sér.

Verkís hefur annast bygginarstjórnun á ýmsum verkum um land allt.